مسجات الغناوي والشتاوات الصح

[size=12]قليل كان فيه انغفى .........مطول الليل يا راقدينه

ماتقولشي مشو عالارض .........جرت رحيلهم ما لقيتها

مقوى عزايمك ياأرض .......... اتواري اللي ما ينتسى

علي رجاك للأولاف ......... قليل عرف داروك ضاله

مرجاهم عليك وبس .........يقصر يطول ترضي تزعلي

بعد ربيع زاهي فيك ........ تميتي خلا يا دارنا

خان غلاي وقسمي لطه ..... خنجر بين اضلوعي حطه

انتي سبايبه يا عين ................ غلا عزيز لولاك ما زاد

اعزاز مالكين العقل ............ ننساهم منامي يجيبهم

العقل مايرقد الليل ....... سطير جرح الاولاف سمره

العقل يا بعاد الدار .................. يمسى معاي ويبات عندكم

الدمع مايجلي الياس ................ ايزيدن ارياف وينعمن

مبروك يا عزيز عليك ..... ادراجك اللي راقيلهن

قاضي الياس غلانا ضره ......... حكم اعدام من اول مرة

لو كان عزيز اتجيبه دمعه ..... نبكي مالجمعه للجمعه

عيني كيف الثوب البايد .......... تهفي عالاولاف بزايد

يابو دبله فيده تلق ............. حسه شق الخاطر شق

غيم الياس خدانا سرقه ......... لا غيم ولا شقع برقه

اللي ماقاس النار يقول .......... امغير اصبر شده وتزول

فوق ارموش العين مكانك ... بايدك عليته ميزانك

كان خطر ماني قايللك .......... ابكي نين اتفشي غلك

كان علي صوبي لايمتي ...... ماعندي حاجه غير انتي[/size]

» مسجات حب
» مسجات شوق وحنين
» مسجات حلـــــــــوة
» {مسجات الأعياد }
» مسجات في منتهي الإبداع